1. Auf dr schwäbschâ Eisâbahnâ gibds gar viele Haldschdadzionâ:
Schduagâd, Ulm ond Biberach, Meckâbeirâ, Durlesbach.
|: Trulla, trulla, trulla-la, :|
Schduagâd, Ulm ond Biberach, Meckâbeirâ, Durlesbach.

2. Auf dr schwäbschâ Eisâbahnâ gibt's au viele Reschdauratzionâ,
wo mâ ess' ond drenka kâ, älles, was dr Magâ mâ.
|: Trulla, trulla, trulla-la, :|
Wo mâ ess' und drenka kâ, älles, was dr Magâ mâ.

3. Auf dr schwäbschâ Eisâbahnâ braucht mâ koine Boschdillionâ.
Was ons soâschd âs Boschdhorn blies, pfeifâd jetz dui Lokâmodiv.
|: Trulla, trulla, trulla-la, :|
Was ons soâschd âs Boschdhorn blies, pfeifâd jetz dui Lokâmodiv.

4. Auf dr schwäbschâ Eisâbahnâ derfâd Kiâ und Ochsâ fahrâ,
Biable, Mädle, Weib ond Mâ, kurzum älls, was zahlâ kâ.
|: Trulla, trulla, trulla-la, :|
Biable, Mädle, Weib ond Mâ, kurzum älls, was zahlâ kâ.

5. Wenn es Gleggle duâd erglengâ, dând glei älle zamma schbrengâ.
Älles, was â Kardâ hôd, mechd jetz mid m Zigle fôrd.
|: Trulla, trulla, trulla-la, :|
Älles, was â Kardâ hôd, mechd jetz mid m Zigle fôrd.

6. A Mâ, mô isch em G'sichd ganz bärdig, schreid ganz laud: "Jetz isches ferdig".
Schbrengd ganz schnâll en Wagâ nei, machd â Loch en d'Kardâ nei.
|: Trulla, trulla, trulla-la, :|
Schbrengd ganz schnâll en Wagâ nei, machd â Loch en d'Kardâ nei.

7. Auf dr schwäbschâ Eisâbahnâ wolld âmôl â Beierle fahrâ,
gôhd ân Schaldr, lupfd dâ Huâd: "Oi Billädle, sand so guâd!"
|: Trulla, trulla, trulla-la, :|
gôhd ân Schaldr, lupfd dâ Huâd: "Oi Billädle, sand so guâd!"

8. Einen Bock hôt er sich kaufâd und dass der ihm ed vrdlaufâd,
bended n der guâde Mâ, ân dâ hendrâ Wagâ nâ.
|: Trulla, trulla, trulla-la, :|
Bended n der guâde Mâ, ân dâ hendrâ Wagâ nâ.

9. "Beggle, duâ nô waggr schbrengâ, s'Frâssâ wer i dir scho brengâ."
Also schwätzd dr guâde Mâ, zend sei Dabakspfeifle â.
|: Trulla, trulla, trulla-la, :|
Also schwätzd dr guâde Mâ, zend sei Dabakspfeifle â.

10. Wia dr Zug nô wiedr schdôhd, s' Beierle zu seim Beggle gôht,
fended r nô Kopf ond Soil ân dâm hendrâ Wagâdoil.
|: Trulla, trulla, trulla-la, :|
fended r nô Kopf ond Soil ân dâm hendrâ Wagâdoil.

11. 'S packt dâ Baur ân Baurazôrâ, nommd dâ Goißbock bei de Hôrâ,
schmeißd n, was r schmeiße kâ, dâm Kondukter ân Rânzâ nâ.
|: Trulla, trulla, trulla-la, :|
schmeißd n, was r schmeiße kâ, dâm Kondukter ân Rânzâ nâ.

12. "So, jetz kâsch dâ Schadâ zahlâ, wôrom bisch so schnell au gfahrâ!
Du alloi bisch schuld dô drâ, dass i d'Goiß verlaurâ hâ!"
|: Trulla, trulla, trulla-la, :|
Du alloi bisch schuld dô drâ, dass i d'Goiß verlaurâ hâ!"

13. Des isch des Lied von sellâm Baurâ, der sein Goißbock hôt verlaurâ.
Goißbock und sei traurigs End: Hemml, Schduagâd, Sapperment.
|: Trulla, trulla, trulla-la, :|
Goißbock und sei traurigs End: Hemml, Schduagâd, Sapperment.

14. So jetz wär des Liâdle gsongâ, hôds ui en de Ohrâ glongâ,
stoßâd mid de Gleser â, ufs Wohl der schwäbschâ Eisâbâ.
|: Trulla, trulla, trulla-la, :|
stoßâd mid de Gleser â, ufs Wohl der schwäbschâ Eisâbâ.

wieder zurück